好耐無食放題啦~
今晚約埋好友一齊去放縱下:D
揀左想試好耐既滿屋日本料理
點餐紙有成十幾張，
包括刺身、壽司、手卷、軍艦、
串燒、日式料理、特色小食、
天婦羅、炸物、飲品、特飲等等，
真係超多選擇，勁多款式！
自助飲品區有齊汽水、啤酒、果汁等。
仲有爆谷機、熱飲櫃、
同埋少見既清酒同梅酒。
出面仲有沙律、水果、炸物同甜品任取。
連冷盤都有，供應蝦、青口等，
放題黎講真係好少有～
放題必點之一既刺身好新鮮，
甜蝦質軟味甜、油甘魚細緻滑嫩、
北海道帶子濃郁鮮甜、北寄貝口感細膩，
以上幾款都encore左好幾次！
估唔到滿屋既壽司有特色又出色，
黑松露吞拿魚醬油漬壽司肥美甘甜，
香蔥玉子壽司葱香突出，
蟹膏皇帝蟹腳壽司蟹膏香濃、
皇帝蟹腳肉質結實鮮甜～
海膽手卷賣相新鮮，味道鮮甜帶甘香。
花之戀新鮮甜美，入口即化。
意大利黑醋雙重芝士鰻魚卷
芝士入口即融，鰻魚肉質彈牙，
整體口感層次豐富～
燒有機日本番薯仔
一口一粒，味道香甜；
沙嗲雞串帶點鹹香又惹味；
燒有機菠蘿甘香多汁，份外鮮甜；
鹽燒雞軟骨香氣滿溢，爽脆惹味！
黑松露汁蘑菇忌廉芝士釀雞翼
芝士味道濃郁，黑松露汁提升味道層次；
芝麻雞翼金黃酥脆，啖啖肉好正~
兩者都係新鮮炸起熱辣辣勁吸引！
椰冰楊枝甘露酸甜開胃，
忌廉芝士朱古力窩夫外脆內軟，
啖啖濃郁滋味，好邪惡啊！
而且每位客人奉送一客雪糕杯，
揀左Häagen-Dazs同Movenpick各一杯。
多款自家製甜品細細兜，
可以試多幾款唔同口味～
仲有個雪糕自助櫃，
有幾款糯米糍同雪條。
超滿足啊！！期待下次再黎！！
